"Nottingem Forest"in yeni baş məşqçisi müəyyənləşib.
Publika.az xəbər verir ki, bu barədə klubun saytı məlumat yayıb.
"Meşəbəyilər" Nuno Espirito Santoya tapşırılıb. 49 yaşlı mütəxəssislə 2 il yarımlıq müqavilə imzalanıb. O, dekabrın 23-də "Bornmut"la oyunda komandanın baş məşqçisi kimi debüt edəcək.
Portuqaliyalı məşqçi bu vəzifədə ötən gün istefaya göndərilən Stiv Kuperi əvəzləyib.
Nunonun son iş yeri noyabr ayında tərk etdiyi Səudiyyə Ərəbistanı “Əl-İttihad”ı olub. Portuqaliyalı mütəxəssis komandanın kapitanı Kərim Benzema ilə yaşadığı qalmaqaldan sonra postundan qovulub.
