Tikinti qumunun istehsalı 43 faizədək artıb

Bu ilin yanvar-iyun aylarında ölkədə 589,6 min ton tikinti qumu istehsal edilib ki, bu da 2023-cü ilin eyni dövrünün göstəricisindən 42,7 faiz və ya 176,3 min ton çoxdur.
Dövlət Statistika Komitəsinin hesabatına əsasən, təkcə cari ilin iyun ayında istehsal həcmi 179,9 min ton təşkil edib ki, bu da may ayının göstəricisini 2 dəfə və ya 91,1 min ton üstələyir. İyul ayının 1-nə hazır məhsul ehtiyatı 8,3 min ton olub.