Son ildə Böyük Britaniyada məktəbdən kənarlaşdırma və çıxarılmaların sayı 20 faizdən çox artıb.
AZƏRTAC “The Guardian”a istinadla xəbər verir ki, bunu uşaqların əsas təhsil sistemindən alternativ təhsil formalarına keçirilməsi ilə bağlı narahatlıq doğuran davamiyyət məlumatlarının təhlili də təsdiq edir.
İyul ayında dərc edilən hökumət məlumatları, 2022-2023-cü tədris ilində məktəbdən uzaqlaşdırılan və ya həmişəlik xaric edilən şagirdlərin sayında kəskin artım göstərib, rekord 787 min kənarlaşdırma İngiltərədəki demək olar ki, hər 10 şagirddən birinin müvəqqəti olaraq evə göndərildiyinə bərabərdir.
Dövlət Siyasi Tədqiqatlar İnstitutunun (IPPR) hesabatına görə, aztəminatlı ailələrdən və xüsusi təhsilə ehtiyacı olan, habelə psixi sağlamlıq problemləri yaşayan uşaqlar daha çox məktəbdən yayınır. Pulsuz məktəb yeməkləri (PMY) alan şagirdlərdə PMY almayan sinif yoldaşlarına nisbətən həmişəlik xaric edilmə ehtimalı təxminən beş dəfə və məktəbdən kənarlaşdırılma ehtimalı dörd dəfə çoxdur. Bəzi etnik azlıqlardan olan uşaqlar qeyri-mütənasib olaraq ümumtəhsil məktəblərindən uzaqda alternativ təhsil müəssisələrində yerləşdirilməsi ehtimalı daha çoxdur.
IPPR tədqiqatçısı Kiran Gillin sözlərinə görə, pandemiyadan sonrakı son dörd il ərzində oxumaq imkanını itirən uşaqların sayında həyəcanverici artım müşahidə olunur. Dərslərdən kənarlaşdırma və daimi xaric olunmaların şokedici artımı məktəblərdə nəhəng nalayiq davranış miqyasını əks etdirir.
Mənbə: AZƏRTAC
