“Azərbaycan Texnologiya Universiteti” Məhdud Məsuliyyətli Cəmiyyəti Elm və Təhsil Nazirliyinin tabeliyində publik hüquqi şəxs statusuna malik olan Azərbaycan Texnologiya Universitetinə çevrilmə yolu ilə yenidən təşkil edilir.
AZƏRTAC xəbər verir ki, bununla bağlı Baş nazir Əli Əsədov Qərar imzalayıb. Qərara əsasən, “Azərbaycan Texnologiya Universitetinin Nizamnaməsi” təsdiq edilib. Elm və Təhsil Nazirliyi bu Qərarın qüvvəyə mindiyi tarixdən 3 gün müddətində Azərbaycan Texnologiya Universitetinin “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq dövlət qeydiyyatına alınması üçün zəruri tədbirlərin görülməsini təmin etməlidir.
