Qlobal İqtisadi Görünüş Hesabatında FED-in yumşaltma dövrünün başlaması ilə bağlı olduğu, lakin faiz endirimlərinin artıma təsirinin az olacağı bildirilib. Beynəlxalq kredit reytinq agentliyi “Fitch Ratings” bu il qlobal iqtisadiyyat üçün artım gözləntisini 2,6 faizdən 2,7-yə yüksəldib.
“Fitch” Qlobal İqtisadi Görünüş Hesabatının sentyabr buraxılışını “ABŞ Federal Ehtiyat Sisteminin (FED) asanlaşdırma dövrü başlayır”, – başlığı ilə dərc edib.
Hesabatda qeyd olunub ki, bu il dünya iqtisadiyyatının tarixi tendensiyaya uyğun olaraq 2,7 faiz artacağı gözlənilir.
Hesabatda bu nisbətin iyun ayında proqnozlaşdırılandan 0,1 bənd yüksək olduğu, ABŞ, Böyük Britaniya, Braziliya və Rusiya üçün artım proqnozlarının yuxarıya doğru yenidən nəzərdən keçirildiyi vurğulanıb.
Hesabatda qlobal iqtisadi artımın 2025-ci ildə 2,5 faizə, 2026-cı ildə isə 2,4 faizə enməsinin gözlənildiyi, ABŞ-da böyümənin yavaşlaması ilə əlaqədar olaraq, ““FED”in yumşaldıcı dövrü nəhayət başlamaq üzrədir, lakin faiz dərəcələri gələn il məhdudlaşdırıcı olaraq qalacaq və faiz endirimlərinin artıma təsiri az olacaq”, – vurğulanıb.
Bundan əlavə, hesabatda Çinin ixracatdakı sürət itkisi səbəbiylə gələn il artımının yavaşlayacağı, Avrozona artımının isə bərpa olunacağı qeyd edilib.
***
Hesabatda ABŞ iqtisadiyyatı üçün artım proqnozunun bu il 2,1 faizdən 2,5 faizə yüksəldildiyi, ölkə iqtisadiyyatının 2025 və 2026-cı illərdə 1,6 faiz artacağı gözlənilir.
Hesabatda ABŞ-da xidmət inflyasiyasının hələ də inflyasiyanın davamlı şəkildə hədəfə dönməsi ilə uyğun ola bilməyəcək qədər yüksək olduğu vurğulanaraq, FED-in pul siyasətinin yumşaldıcı dövrünün əvvəlki faiz azaltma dövrləri ilə müqayisədə mülayim və yavaş olacağı ifadə edildi.
Hesabatda Çinin bu il 4,8 faiz, gələn il isə 4,5 faiz, Avro Bölgəsinin bu il 0,8 faiz, 2025-ci ildə isə 1,5 faiz böyüməsi gözlənilir.
Hesabatda ABŞ-da və bəzi inkişaf etmiş iqtisadiyyatlarda işsizliyin artdığına diqqət çəkilərək, bunun işçi qüvvəsinə tələbin azalmasından çox işçi təklifinin artmasını əks etdirdiyi qeyd edilib.
Hesabatda son məlumatların FED-in inflyasiyanın azalma yolunda olduğuna dair inamını artırdığı vurğulanaraq, “Sentyabr və dekabr iclaslarında 25 baz bənd, 2025-ci ildə 125 baz bənd və 2026-cı ildə 75 baz bənd faiz endirimi gözləyirik”, – yazılıb.
Hesabatda Türkiyədə illik inflyasiyanın avqust ayında nəzərəçarpacaq dərəcədə azaldığı, ilin sonunda inflyasiyanın 43 faiz olacağı gözlənilirdi.
Hesabatda Türkiyə iqtisadiyyatının bu il 3,5 faiz, 2025-ci ildə 2,8 faiz, 2026-cı ildə isə 3,7 faiz artacağı gözlənilir.
