Sosial Tədqiqatlar Mərkəzinin icraçı direktoru Sahib Məmmədov QHT.az-a verdiyi açıqlamada bildirib ki, İranın Zəngəzur dəhlizinin bərpasına qarşı mövqeyi əsasən bəhanədir. S.Məmmədov, İranın beynəlxalq sərhədlərin dəyişməzliyi ilə bağlı verdiyi açıqlamaların absurd olduğunu və bu layihənin sərhədlərin dəyişməsinə səbəb olmayacağını qeyd edib.
O, həmçinin vurğulayıb ki, Zəngəzur dəhlizi İran üçün əlavə kommunikasiya imkanı yaradacaq, lakin İran bu məsələdə qeyri-stabil mövqe tutur. Məmmədov, İranın Şimal-Cənub nəqliyyat dəhlizinin ləngiməsinin səbəbkarı olduğunu və regionda daha çox kommunikasiya imkanlarının vacib olduğunu bildirib.
