ABŞ lazım gələrsə, Ukraynaya verilən silahlarla bağlı mövqeyində düzəlişlər edəcək.
Oxu24.com xəbər verir ki, bunu ABŞ-ın dövlət katibi Entoni Blinken Rusiyanın dərinliklərinə Amerika raketlərinin hücumlarına qoyulan məhdudiyyətlərin aradan qaldırılması perspektivləri ilə bağlı sualı cavablandırarkən deyib.
“Dünən biz ukraynalı həmkarlarımızla döyüş meydanındakı vəziyyəti necə gördükləri, ehtiyaclarının nə olduğu barədə yaxşı və hərtərəfli müzakirələr apardıq və dediyim kimi, biz bunu həmişə nəzərə almağa davam edəcəyik. Və biz lazım gəldikdə düzəlişlər edəcəyik”, o, Polşanın xarici işlər naziri Radoslav Sikorski ilə Varşavada keçirdiyi birgə mətbuat konfransında bildirib.
Blinkenin sözlərinə görə, düzəliş təkcə ABŞ-a deyil, həm də Ukraynaya dəstək verən bir qrup ölkəyə təsir edəcək.
Diplomat vurğulayıb ki, o, əməliyyat təfərrüatları barədə açıq danışmaq niyyətində deyil.
Sentyabrın 12-də Ukrayna prezidenti Vladimir Zelenskinin Blinkenə Rusiya ərazisini vurmaq üçün uzaqmənzilli raketlərdən mümkün istifadə planını çatdırdığı bildirilib. Eyni zamanda, ABC telekanalının məlumatına görə, Dövlət Departamentinin rəhbəri ilə Ukrayna rəsmiləri arasında Kiyevdə keçirilən görüşün yekunlarına görə, Ukrayna Silahlı Qüvvələrinin bu ərazidə Amerikanın uzaqmənzilli silahlarından istifadə etməsi barədə qərar qəbul edilməyib.
Bundan əvvəl Dövlət Duması ABŞ-ın Rusiyaya dərin zərbələr endirmək planlarını dəli adlandırmışdı.
Nigar
