71 yaşlı Fransanın birinci xanımı Bricit Makron “Netflix”in məşhur “Emily in Paris” serialında kamo rolunu oynayacaq.
Sfera.az xəbər verir ki, Bricit Makron serialın dördüncü mövsümünün ikinci hissəsində özünü oynayacaq. Hələ apreldə Makronun bu layihədə görünəcəyi ilə bağlı şaiyələr dolaşırdı.
Şounun kostyum dizaynerləri Bricit üçün geyim tövsiyə etməyəcəklər. Çünki Bricit öz geyimində görünəcək. Bildiyiniz kimi, Bricit Makron “Yves Saint Laurent”i çox sevir və həm də sadə gündəlik ansamblları seçməkdə zövqü ilə tanınır.
Baş rol ifaçısı Lili Kollinz prezidentin xanımı ilə çəkiliş meydançasında işləməkdən qürur duyduğunu gizlətməyib:
"Kamo ideyasını (proqram yaradıcısı) Darren Star və mən Bricit xanımla 2022-ci ilin dekabrında Yelisey sarayında görüşəndə ortaya çıxardıq. O, serialın böyük pərəstişkarıdır və birinci mövsümdə təklifi böyük yumorla qəbul etdi. Dördüncü mövsümdə onunla bir səhnədə çıxış etmək və bir filmə çəkilmək həm şərəf, həm də əsl sevincdir”.
Qeyd edək ki, bu xanım Makronun ikinci dəfə ekranda özünü oynaması olacaq. 2018-ci ildə o, əlilliyi olan iki üzgüçüdən bəhs edən Fransız komediya serialı “Changing Rooms”da rol alıb.
Bricit Makron serial çəkilişlərində təcrübəyə malikdir.
Bundan əlavə, Fransada birinci xanım Bricitlə “Azad Qadın” adlı bioqrafik çəkiliş aparılır.
2020-ci ildə təqdim olunduğu gündən etibarən isə “Emily in Paris” (Emili Parisdə) əhəmiyyətli bir tamaşaçı auditoriyası cəlb edib. Dördüncü mövsümün ilk yarısı təxminən 20 milyon baxışla debüt edib. Serial absurd hekayələri və Parisin qarmaqarışıq təsviri ilə manşetlərə çevrilməsinə baxmayaraq, ardıcıl olaraq “Netflix”in ilk 10-luğunda yer alıb.
Serial, xüsusən də paytaxt həyatının stereotipik, fantastik təsvirinə görə - zərif, beret geyinən həyat tərzindən tutmuş paytaxtın bəzəkli, “İnstaqram”da çəkilən səhnələrinə qədər Fransanın özündə tənqid olunub.
Aysel
Sfera.az
