Ümumdünya Şahmat Olimpiadası: Millilərimiz Moldova və Argentinaya qarşı

Budapeştdə 45-ci Ümumdünya Şahmat Olimpiadası davam edir.

Fanat.Az xəbər verir ki, yarışa İordaniya və Finlandiya komandalarına qalib gəlməklə başlayan Azərbaycanın kişilərdən ibarət yığması 3-cü turda Moldova ilə qarşılaşacaq.

Komandamız hazırda 26-cı yerdədir.

Teymur Rəcəbovun kapitanı olduğu komandada Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alır.

Nikaraqua və Avstraliyaya qalib gələn qadınlardan ibarət yığmamız isə Argentina ilə qarşılaşacaq. 2 xal toplayan qızlarımız 21-ci yerdədir.

Olimpiadada Günay Məmmədzadə, Ülviyyə Fətəliyeva, Gövhər Beydullayeva, Xanım Balacayeva və Gülnar Məmmədova çıxış edirlər. Komandanın kapitanı Mixail Şereşevskidir.

• Azərbaycan
• Moldova
• Rauf Məmmədov
• Teymur Rəcəbov
• Şəhriyar Məmmədyarov
• Ümumdünya Şahmat Olimpiadası