Azərbaycan millisinin sabiq üzvü Vurğun Hüseynov karyerasını başa vurub.
Bu barədə QOL.az-a açıqlamasında 36 yaşlı müdafiəçi özü məlumat verib.
O, məşqçiliyə başlamaq fikrində olduğunu bildirib. V.Hüseynovun son klubu "Kəpəz" olub. Klub bu gün onunla yolların ayrıldığını açıqlayıb.
Qeyd edək ki, Azərbaycan millisində 15 oyun keçirən və 1 qol vuran Hüseynov "Turan Tovuz", "Qəbələ" və "Sumqayıt"da da çıxış edib.
