ÇL: “Sabah” bu gün İsveç klubu ilə qarşılaşacaq

Azərbaycan çempionu “Sabah” basketbol klubu bu gün FİBA Çempionlar Liqasında mübarizəyə start verəcək.Komanda.az xəbər verir ki, Rimas Kurtinaytisin rəhbərlik etdiyi komanda təsnifat mərhələsində İsveçin “Norrçöpinq Dolfins” klubu ilə qarşılaşacaq.1/4 final matçı Türkiyənin Antalya şəhərindəki “Gloria Sports Arena”da təşkil olunacaq.Oyuna saat 17:30-da start veriləcək.