Bakının məşhur ticarət mərkəzində fitnes zalı istifadəyə verildi – FOTOLAR

Dünən yeni nəslə məxsus premium fitnes klubun – “Befit Baku”nun təntənəli açılışı baş tutub.

Prosport.Az xəbər verir ki, "BeFit Baku" "Crescent Mall" ticarət mərkəzinin 5-ci mərtəbəsində yerləşir.

Klub geniş trenajor zalı və ABŞ istehsalı premium Precor avadanlıqları ilə təchiz olunub. Burada funksional məşq zonası, kardio, sərbəst ağırlıqlar, streçing və güc trenajoru zonaları, həmçinin geniş çeşiddə fitnes aksessuarları təqdim olunur. "BeFit Baku" hətta ən tələbkar fitnes həvəskarlarını belə razı salacaq müxtəlif qrup məşqləri və müəllif dərsləri daxil olmaqla, geniş formatlı məşqlər təklif edir.

Klubun əsas üstünlüklərindən biri peşəkar təlimçi heyətinin yüksək səviyyəsidir. Hər bir əməkdaş müştərilərə ən yaxşı keyfiyyətdə məşq və xidmət təklif etmək üçün xüsusi hazırlıq keçib.

"BeFit Baku"nun xidmətlərinə aşağıdakılar daxildir:

● Geniş trenajor zalı
● Qrup məşqləri studiyaları (Functional Studio, Body&Mind Studio)
● Diaqnostika kabineti (Assessment Room)
● Fitnes bar
● Fin saunaları

Burada hər şey nəticə əldə etmək üçün işləyir: məkanın təşkilatı, interyer, işıqlandırma, avadanlıqlar. Qonaqların rahat hərəkətini təmin etmək üçün müştəri marşrutu detallı şəkildə nəzərə alınıb, zonalar düzgün bölünüb.

Layihənin hər bir elementi vahid məqsədə xidmət edir – klubda olmağınızı həm rahat, həm də məhsuldar etmək. Fitneslə qüsursuz xidmətin harmoniyası, geniş xidmət spektri və hər bir layihənin özünəməxsusluğu – bunların hamısı "BeFIT Baku"nu xarakterizə edir və ən tələbkar fitnes həvəskarları üçün nəzərdə tutulub.