90 gündən çoxdur aclıq aksiyası edən alim Fazil Qasımov

Yayımlandı: 17 Sentyabr 2024 18:30 90 gündür həbsinə etiraz olaraq aclıq aksiyası edən alim Fazil Qasımov hər an həyatını itirə bilər. Bunu hüquq müdafiəçisi Rüfət Səfərov deyir və əlavə edir ki, Qasımovun çəkisi 35 kq-a düşüb. Fazil Qasımov səhhəti pisləşəndən sonra Penitensiar Xidmətin müalicə müəssisəsinə köçürülüb və məcburi qidalandırılacağı halda həyatına son verəcəyini bildirir. “Əgər məcburi qidalandırmaya dair qərar verilsə, canıma qəsd edib, həyatla birdəfəlik vidalaşacam, ölümümü tezləşdirəcəm. Mən ciddiyəm. Ümid edirəm ki, bunu rəsmi dairələr nəzərə alar…”. Yaxınları deyirlər ki, o, məhkəmələrinə və görüşlərinə əlil arabasında gətirilir, bəzən isə ümumiyyətlə gələ bilmir. Meydan TV