“Boeing” çərşənbə günü təxminən 30,000 maşinistin cümə günü tətilə çıxmasından və təyyarələrinin istehsalını dayandırdıqdan sonra on minlərlə əməkdaşını müvəqqəti olaraq işdən çıxaracağını açıqladı.
İndex.az xəbər verir ki, CEO Kelly Ortberg işçilərə bu barədə elektron məktub göndərib:
“Biz yaxın günlərdə ABŞ-da yerləşən çoxlu sayda rəhbər, menecer və işçilərə təsir edəcək müvəqqəti ödənişsiz məzuniyyətə başlayırıq. Biz müəyyən işçilərin tətil zamanı hər dörd həftədən bir həftəlik ödənişsiz məzuniyyətə çıxmasını planlaşdırırıq”.
Ortberq həmçinin bildirib ki, o və digər “Boeing” liderləri tətil müddətində maaşların azaldılmasını da düşünəcəklər.
Həmkarlar ittifaqı bildirib: “Biz birbaşa və ya vasitəçilik yolu ilə əlavə müzakirələrə açıq qalsaq da, hazırda heç bir əlavə tarix nəzərdə tutulmur. Biz üzvlərimizin layiq olduğu müqavilə üçün mübarizə aparmağa tam sadiqik”.
