Türkiyə prezidenti Rəcəb Tayyib Ərdoğan 21-26 sentyabr tarixlərində Amerika Birləşmiş Ştatlarına gedəcək.
Ərdoğan Nyu Yorkda keçiriləcək Birləşmiş Millətlər Təşkilatının 79-cu Baş Assambleyasında 193 ölkənin hökumət və dövlət başçıları ilə birlikdə iştirak edəcək.
Sentyabrın 24-də BMT tribunasından 14-cü çıxışını edəcək Türkiyə prezidenti qlobal sistemin ədalətsizliyini bir daha vurğulayacaq və Birləşmiş Millətlər Təşkilatının yenidən formalaşdırılmasının vacibliyini vurğulayacaq.
R.T.Ərdoğan Nyu Yorkda sıx diplomatiya aparacaq, dünya ölkələri başçıları ilə təkbətək görüşəcək, dövlətlərarası münasibətlər, regional və qlobal problemləri müzakirə edəcək.
BMT Baş Qərargahı yaxınlığındakı Türk Evində də olacaq Türkiyə prezidentinin ABŞ-a səfəri çərçivəsində iş dünyası nümayəndələri ilə görüşləri gözlənilir.
Nyu Yorkda keçiriləcək toplantıda dünyanın ən böyük şirkətlərinin yüksək səviyyəli rəhbərləri iştirak edəcək. Türkiyəyə investisiya imkanları və qarşılıqlı ticarətin artırılması müzakirə olunacaq. ABŞ-Türkiyə əlaqələrində son dövrlər qazanılan müsbət təcil ilə birlikdə 100 milyard dollarlıq ortaq ticarət həcmi hədəfi də gündəliyə çıxarılacaq.
