ABŞ prezidentliyinə namizəd Donald Tramp jurnalistlərlə söhbətində etiraf edib ki, gələn həftə Ukrayna prezidenti Vladimir Zelenski ilə görüşəcək.
Tramp “Reuters” jurnalistinin Vladimir Zelenski ilə görüşün baş tutub-tutmayacağı ilə bağlı sualına “Yəqin ki, bəli” cavabını verib. O, başqa təfərrüatları açıqlamayıb.
Vladimir Zelenskinin Birləşmiş Ştatlara səfəri çərçivəsində BMT Baş Assambleyasının (GA) Yüksək Səviyyəli Həftəsində çıxışı və ABŞ prezidenti Co Bayden və hər iki partiyanın Konqres üzvləri ilə görüşü planlaşdırılır.
Zelenski 2022-ci ilin fevralından bəri ikinci dəfə ABŞ-a səfər edəcək. Onun Vaşinqtona son səfəri 2022-ci ilin dekabrında baş tutub. Sentyabrın 16-da Zelenski bəyan edib ki, gələn həftə müttəfiqlərinə “Ukrayna üçün qələbə planı” təqdim etmək niyyətindədir. ABŞ-ın BMT-dəki səfiri Linda Tomas-Qrinfild deyib ki, ABŞ tərəfi bu planla tanışdır və onun işləyə biləcəyinə inanır.
//Samir Qurbanov, Editor.az
