Ukrayna millisinin futbolçusu Mixail Mudrik İngiltərənin “Çelsi” klubundan ayrıla bilər.
Msport.az xəbər verir ki, bu barədə yerli mətbuat məlumat yayıb.
London təmsilçisi qış “transfer pəncərəsi”ndə ondan qurtarmaq niyyətindədir.
23 yaşlı hücumameyilli futbolçu özü də daha çox oyun vaxtı əldə etmək istəyir. Londonlular Mudriki icarəyə vermək yox, birdəfəlik satmaq barədə düşünür.
Qeyd edək ki, Mixail Mudrik ötən ilin əvvəlində 70 milyon avroya Donetsk “Şaxtyor”undan “Çelsi”yə keçib. O, bu mövsüm londonluların heyətində 4 oyunda 1 məhsuldar ötürmə verib.
