Türkiyə BRİKS-ə üzv olmaq istəyir.
Sfera.az xarici KİV-ə istinadən xəbər verir ki, bunu Türkiyənin xarici işlər naziri Hakan Fidan təsdiqləyib.
O bildirib ki, respublika qruplaşmada institusional inkişafla bağlı kifayət qədər məlumata malik deyil.
"Qlobal miqyasda davam edən diversifikasiya fonunda biz, şübhəsiz ki, ticarət və iqtisadi əməkdaşlıqla bağlı müxtəlif variantları nəzərdən keçiririk. BRİKS indi bir platformadır, lakin o, kifayət qədər institusionallaşdırılmayıb. Biz BRİKS-ə qoşulanda hər şeyin necə inkişaf etdiyini görəcəyik”, - H.Fidan qeyd edib.
Fidan hesab edir ki, Türkiyənin Avropa İttifaqı ilə iqtisadi əməkdaşlığı birliyə tamhüquqlu üzvlüklə nəticələnsə idi, Ankara alternativlər axtarmazdı:
“Ankara ticarət-iqtisadi əməkdaşlığı genişləndirmək üçün həmişə yeni imkanlar axtarır. Biz təkcə BRİKS-i deyil, həm də əməkdaşlıq etmək istədiyimiz Cənub-Şərqi Asiya Ölkələri Assosiasiyasını (ASEAN) da gözləyirik. Türkiyə həm də Qara Dəniz İqtisadi Əməkdaşlıq Təşkilatının və İslam birliklərinin, o cümlədən İnkişaf etməkdə olan Səkkizlik (D-8) İqtisadi Əməkdaşlıq Təşkilatının mərkəzindədir. Bu assosiasiyalara onların miqyası və bazar potensialı baxımından baxsaq, daha geniş inteqrasiyaya ehtiyac yarandıqda onlarla əməkdaşlıq etmək daha asan olacaq”.
Firuzə Əliyeva
