…Ukrayna Almaniya və Danimarkadan 22 “Leopard 1A5” tankı və 3 “Gepard” özüyeriyən zenit silahı alıb.
SİA-nın əldə etdiyi məlumata görə, RİA Novosti bu barədə Almaniya hökumətinin bəyanatına istinadən xəbər verir.
Qeyd olunur ki, tədarüklər Almaniya və Danimarka arasında birgə layihə çərçivəsində baş tutub.
Döyüş maşınlarından əlavə, bu tədarüklər çərçivəsində Ukrayna Silahlı Qüvvələri 61 min 155 mm-lik artilleriya sursatları, həmçinin odlu silahlar üçün min patron da alıb. Eyni zamanda, bir qədər əvvəl Almaniya Maliyyə Nazirliyi Bundestaqın Büdcə Komitəsinə məktub göndərib, orada Ukraynaya 397 milyon avro məbləğində əlavə hərbi yardımın ayrılmasından bəhs edilib.
Əli Babayev
