"Arsenal"ın 23 yaşlı müdafiəçisi "Real"ın hədəfində

"Real" gələn ilin yayında "Arsenal"ın 23 yaşlı mərkəz müdafiəçisi Uilyam Salibi almaq istəyir. Matc.az xəbər verir ki, bu barədə məlumatı "İndependent" paylaşıb. Bildirilir ki, Madrid klubu müdafiənin mərkəzini gücləndirmək istəyir, lakin başa düşür ki, "Arsenal"ın artan futbol ambisiyaları səbəbindən fransız futbolçu ilə müqavilə imzalamaq çətin olacaq. Qeyd edək ki, bu mövsüm Saliba bütün turnirlərdə 4 qarşılaşmada iştirak edib, lakin fərqlənə bilməyib. Futbolçunun klubla hazırkı müqaviləsi 2027-ci ilin yayına kimi nəzərdə tutulub. "Transfermarkt" portalında futbolçunun bazar dəyəri 80 milyon avrodur.