"Hizbullah" silahlı birləşmələri Qolan təpələri və Yuxarı Qalileydə İsrail hərbçilərinin mövqelərinə raket zərbələri endiriblər.
"Al Mayadeen" telekanalının məlumatına görə, onlar İsrailin şimalına çoxsaylı raket sistemlərindən ən azı 40 mərmi atıblar.
Bildirilir ki, daha 20 raket Qərbi Qalileydə möhkəmləndirilmiş ərazilərə düşüb.
18:44
İsrail Müdafiə Qüvvələri (IDF) bildirib ki, Livandakı "Hizbullah" hərəkatının hədəflərini, təşkilatın terror imkanlarını və hərbi infrastrukturunu azaltmaq məqsədilə bombalayır.
Oxu.Az bu barədə TASS-a istinadən xəbər verir.
Ordunun mətbuat xidmətinin bəyanatında deyilir ki, bu, sakinlərin öz evlərinə qayıtmasına imkan verəcək və digər hərbi məqsədlərə nail olmaq üçün yol açacaq.
"Hizbullah" Livanın cənubunu müharibə zonasına çevirib və onilliklər ərzində oradakı mülki əhalidən canlı qalxan kimi istifadə edib", - deyə İsrail Müdafiə Qüvvələrindən bildirilib.
Livan mediası isə ölkənin cənubunun indiyədək görünməmiş intensivliklə bombalandığını yazır.
