Çin ABŞ-ı Filippindən “Typhon” orta mənzilli raket sistemini geri çəkməyə çağırıb.
NOCOMMENT.az xəbər verir ki, bu barədə sentyabrın 18-də Çin Xalq Respublikasının Xarici İşlər Nazirliyinin rəsmi nümayəndəsi Lin Cian bildirib.
Onun sözlərinə görə, Çin dəfələrlə ABŞ-ın Filippində raket sistemi yerləşdirməsi ilə razılaşmadığını bildirib. Lin Cian qeyd edib ki, bu hərəkətlər tarixdə ciddi dönüşdür və regionun təhlükəsizliyinə təhdid yaradır və geosiyasi qarşıdurmanı kəskinləşdirir. Bundan əlavə, Çin Xarici İşlər Nazirliyinin nümayəndəsinin qeyd etdiyi kimi, bu təcrübə region dövlətləri arasında yüksək dərəcədə sayıqlıq və narahatlıq doğurur.
“Biz iştirak edən ölkələri region ölkələrinin fikirlərini dinləməyə, səhvlərini tez bir zamanda düzəltməyə, hərbi qarşıdurmaya təhrik etməyi dayandırmağa, əvvəlki ictimai öhdəliklərinə uyğun olaraq raket sistemini mümkün qədər tez geri çəkməyə və daha da yanlış yola düşməkdən çəkinməyə çağırırıq”, – deyə o vurğulayıb.
