Xiaomi Smart Band 9-un qlobal versiyası təqdim edilib - QİYMƏTİ

     Xiaomi şirkəti qatlana bilən qapaqlı Xiaomi MIX Flip ilə yanaşı daha bir məhsulunun qlobal versiyasını təqdim edib. Söhbət, Xiaomi Smart Band 9-dan gedir. Bu smart qolbağın qlobal versiyası texniki imkanlar baxımından Çində satılan versiyadan heç də fərqlənmir. Smart Band 9 qolbağı 60 Hz-lik təsvir yenilənməsinə sahib 1.62 düym ölçülü OLED ekranla təchiz olunub. Smart qolbağın gövdəsi 5ATM standartı üzrə sudan qorunma özəlliyinə sahibdir. Smart qolbaq özündə 233 mAh enerji tutumlu batareyanı birləşdirir və üstəlik 150-dən çox idman rejimini dəstəkləyir. Xiaomi Smart 9 ürək döyüntüləri tezliklərini, qandakı oksigen miqdarını ölçə, stress səviyyəsini və qadınlarda menstrul dövrü monitorinq edə bilir. Smart qolbağın qlobal versiyası artıq satışa çıxıb və onun qiyməti 40 avro təşkil edir.