Berlinin mərkəzində restoranda başlayan yanğın çoxmərtəbəli binanın yaşayış sahəsinə sıçrayıb, çoxlu sayda zərərçəkən var.
AZƏRTAC xəbər verir ki, Almaniya paytaxtının yanğınsöndürmə xidmətinin məlumatına görə, şəhərin mərkəzindəki Mitte rayonunda baş verən yanğınla bağlı şahidlərdən ilk zənglər yerli vaxtla səhər saat 8:00 radələrində daxil olub.
Birinci mərtəbədəki restoranda başlayan yanğın qısa müddətdə bütün binaya yayılıb. Xilasedicilər çoxlu sayda insanın xəsarət aldığını bildirirlər. Alovun söndürülməsinə yanğınsöndürmə xidmətinin 110-dan çox əməkdaşı cəlb olunub.
