Xalq artisti, “Şöhrət”, “Şərəf”, “İstiqlal” ordenli sənətkar, görkəmli xanəndə Arif Babayev xalq artisti Flora Kərimovaya videomüraciət ünvanlayıb.
Moderator.az-ın lentə aldığı görüntüdə xanəndə həmkarının ünvanına təriflər yağdırıb.
“Flora xanım, salam! Xoş görmüşük! Allah canını sağ etsin! Salamat olasan! Daim tamaşaçıların sevimlisisən! Sən hamımızın sevimlisisən! Sənətkarsan! Mən Arif Babayev sənə borclu qaldım! Bir dəfə sənin haqqında hazırlanan verilişlərdən birində danışacam. Görüşərik, sənin haqqında Sən mənə layiq adamsan” deyə sənətkar bildirib.
Arif Babayev daha sonra saytımıza açıqlamasında Flora Kərimova ilə illər əvvəl “Leyli və Məcnun” tamaşasında tərəf müqabili olduğunu xatırlayıb.
“Leylilərim çox olub, amma Flora Kərimovanın bu obraza münasibəti tamam başqa idi. O çox gözəl aktrisadır. Bu rol çətindir, amma Flora xanım Leyli rolunun öhdəsindən çox gözəl, məharətlə gəldi. O illəri tez-tez xatırlayıram. Yaxşı ki, Leyli rolu onun yaradıcılığına yazılıb” deyə Arif Babayev deyib.
Xalq artistinin həmkarının ünvanına təriflər yağdırdığı videonu sizə təqdim edirik.
