“Mançester Siti”nin baş məşqçisi Xosep Qvardiola alman mütəxəssis Hans-Diter Flikin çalışdırdığı “Barselona”ya məsləhət verib.
Arena.az “Sport.es” dərgisinin TV3 telekanalına istinadı əsasında, ispan mütəxəssisin müvafiq məsləhətini təqdim edir:
“Mənim fikrimcə, “Barselona” öz modelini dəyişməməlidir. Kənardan hamı “Barselona”ya nəsə başqa bir əcaib-qəraib şey kimi baxır. Bu klub cəlbedicilik, xüsusi bir rayihə saçır”, deyə “Pep” məmnunluqla vurğulayıb.
Xatırladaq ki, Qvardiola 2008-2012-ci illərdə “Barselona”nı çalışdırıb, “blauqrana” ilə bütün mümkün qənimətləri qazanıb. Bundan sonra qısa müddət məşqçiliyə ara vermiş ispan mütəxəssis “Bayern”in sükanı arxasına keçib.
Hazırda “Barselona” 11 turdan sonra 30 xalla İspaniya La Liqasının yarış cədvəlinin zirvəsində qərarlaşıb. “Blauqrana” ən yaxın izləyicisi “Real”ı 6 xal qabaqlayır.
