Rus bloger Vasya Şupaltse (İqor Babko) Pakistanda oğurlanması ilə bağlı xəbərlərdən sonra əlaqə saxlayıb.
Publika.az xəbər verir ki, o, səyahətinə davam edir və sosial şəbəkələrdə video paylaşır. Onlardan birində o, küçədə gəzir və “Taliban”la zarafatlaşır: “Məni əsir götürən “Taliban” onları vurur, məni vura bilməzlər".
Bundan əvvəl onun “Taliban”la əlaqəsi olan Hafiz Gül Bahadur qruplaşmasından olan islamçılar tərəfindən qaçırıldığı barədə məlumatlar yayılmışdı. Eyni zamanda, Babko dostlarına bir müddət əlaqəsiz qalacağı barədə xəbərdarlıq edib.
İddia edilən adam oğurluğu ilə bağlı təhqiqat Rusiyanın Pakistandakı səfirliyi tərəfindən aparılıb.
