Florida ştatının Orlando şəhərində Hellouin bayramı zamanı atışma nəticəsində 6 nəfər yaralanıb, 2 nəfər ölüb.
"Reuters" bu barədə ABŞ polisinə istinadən məlumat yayıb.
Hadisə, polisin hesablamalarına görə, 50 min ilə 100 min arasında insanın bayramı qeyd etdiyi Orlando bölgəsində gecə saatlarında baş verib.
Atəş açan şəxsin 17 yaşlı Ceylen Dueyn Edqar olduğu müəyyən edilib. O, camaata ikinci dəfə atəş açdıqdan sonra polis yeniyetməyə hücum edərək onu ram edib və həbs edib. Edqar tapança ilə silahlanıb və yeganə şübhəli sayılır.
