İslam İnqilabı Keşikçiləri Korpusunun (SEPAH) əsgərləri xüsusi əməliyyat zamanı İranın Sistan və Bəlucistan əyalətində terror aktında iştirak edən 8 terrorçu qruplaşma üzvünü saxlayıblar.
Ucnoqta.az xəbər verir ki, bu barədə SEPAH-ın sözçüsü Əhməd Şefai Tasnim-ə bildirib.
Məlumata görə, daha dördü isə məhv edilib.
İslam İnqilabı Keşikçiləri Korpusunun nümayəndəsinin qeyd etdiyi kimi, saxlanılanlardan biri oktyabrın 26-da Taftan bölgəsinin Gövhər Kuh rayonunda törədilmiş terror aktında iştirak edib.
Bundan əlavə, bu qruplaşmalardan çoxlu sayda silah və sursat aşkar edilərək götürülüb.
