Dünyaca ünlü portuqaliyalı mütəxəssis premyer-liqaya qayıtmaq ehtimalı haqda danışıb. O, ''Skay Sport''a açıqlamasında ''İngiltərəyə qayıtmaq ehtimalınız varmı'' sualına cavab verərkən bunları deyib:
''Bəli, qayıtmaq ehtimalım var. Amma elitada qalmaq uğrunda oynayan bir klubu çalışdırmaq üçün heç vaxt İngiltərəyə dönmərəm''.
61 yaşlı mütəxəssis daha öncə ''Çelsi'' ilə 3 dəfə (2004/05, 2005/06, 2014/15) İngiltərə çempionu olub. Onun İngiltərədə çalışdırdığı son klub ''Tottenhem'' olub. London təmsilçisi 2019-21-ci illərdə bu məşqçinin başçılığı altında keçirdiyi 86 rəsmi oyundan 45 qələbə, 17 heç-heçə, 24 məğlubiyyətlə ayrılıb.
ƏLİ
