"Qalatasaray" "Napoli"nin hücumçusu Viktor Osimheni almağı planlaşdırır.
90deqiqe.Az-ın Türkiyənin “Sözcü” portalına istinadən məlumatına görə, İstanbul nəhəngi yaxın vaxtlarda Neapol təmsilçisi ilə danışıqlara başlamağı planlaşdırır.
Türkiyə klubu hücumçu üçün təxminən 50 milyon avro təklif etməyə hazırdır və nigeriyalı futbolçu uğrunda mübarizədə “Çelsi”ni qabaqlamaq niyyətindədir.
Qeyd olunur ki, "Qalatasaray" "Napoli" ilə anlaşa bilsə, o zaman futbolçunun özünə 5 illik müqavilə təklif olunacaq. Bu mövsüm 25 yaşlı forvard 7 matçda iştirak edib, 4 qol vurub və 3 məhsuldar ötürmə edib.
