"Atalanta"nın baş məşqçisi Can Pyero Qasperini "Napoli" üzərində qələbədən (3:0) sonra açıqlama verib.
90deqiqe.Az xəbər verir ki, "DAZN" 66 yaşlı çalışdırıcının dediklərini belə çatdırıb.
“Biz güclü olduğumuzu bilirik və bunu inkar etməyəcəyik. Açığı, belə oyunlar özümüzün sınağıdır, çempionatın lideri ilə üz-üzə gəldik, əla oyun göstərdik. Təbii ki, komandamız ötən mövsümlə müqayisədə irəlilədi, Avropa Liqasında qalib gəlmək özünə inam baxımından çox şey verdi. Ayrı-ayrılıqda ehtiyat oyunçular skamyasından meydana daxil olan oyunçuları qeyd etmək istərdim, onlar bizi çox gücləndirirlər”
Bugünkü qələbədən sonra “Atalanta” A Seriyasında ikinci pilləyə yüksəlib.
