“Sabah” yenə böyük ümidlərlə, böyük imkanlarla başlayıb, böyük addımlarla irəliləyə bilmir. Bu, “bayquşlar” üçün bir sindrom halına çevrilib sanki…
2017-ci ildən elitada çıxış edən klubun idarəçi sistemi sabit qalıb. Demək olar ki, “Qarabağ”dan sonra ən sabit klub sayıla bilər.
Təhlillər göstərir ki, bu tip sabitlik yüksəliş yaratmalıdır. Amma qeyri-sabit performans daha qabarıq görünür.
12 turdan sonra cəmi 4 qələbə, 5-ci yer; əcnəbi baş məşqçi və samballı heyətlə bu nəticələr ən yaxşı halda kafi ortabab sayıla bilər.
Renduliç “Sumqayıt”a məğlubiyyətdən (0:1) sonra deyib: “Oyunçular istəklidir, oyunun 60-70 faizini rəqibin cərimə meydançasında keçirdik. Qol fürsətləri çox yarada bilmədik”.
O, yaxşı oynayıb məğlub olmağın səbəblərini bilmir…
Oyunun 60-70 faizini rəqibin cərimə meydançasında keçirən komanda bircə qol vura bilmirsə, bu, oyun planındaki böhrandan xəbər verir.
Ayrı-ayrı komponentlər üzrə təhlil edilsə, həm fərdi oyun, həm dominant futbol mövzularında problemin yaşanmadığını iddia etmək olar. Bəs “Sabah” baş məşqçi postunda yeni olan Vaqif Cavadovun özündən güclü olmayan heyətinə niyə uduzur?
Renduliçin fikirləri ortadadır, rəhbərlik nə düşünür…
Kamil Əhməd
