"Real Madrid" futbolçuları komanda yoldaşı Kilian Mbappenin müdafiədə işləməməsindən razı deyillər.
Redaktor.az "relevo"ya istinadən xəbər verir ki, “Real Madrid”in texniki heyəti bu narazılığın fərqindədir və problemi həll etməyə çalışır. Klub Mbappe və Vinisius arasında müdafiə funksiyalarını dəyişdirmək variantını nəzərdən keçirir.
Qeyd edək ki, Mbappe ilə "Real Madrid" arasında müqavilənin imzalanması iyunun 3-də rəsmən açıqlanıb. Hücumçu azad agent kimi İspaniya nəhənginə keçib. Bundan əvvəl hücumçu 2017-ci ildən çıxış etdiyi PSJ-də çıxış edib.
Bu mövsüm Mbappe İspaniya çempionatında "Real"ın heyətində 10 oyun keçirib və 6 qol vurub.
"Real" İspaniya çempionatının turnir cədvəlində 24 xalla ikincidir. Kataloniya “Barselona”sı 33 xalla birinci yerdədir. İlk üçlükdə 23 xalla “Atletiko Madrid” qərarlaşıb.
Sevinc İBRAHİMZADƏ
