Uruqvay Azərbaycan Respublikası ilə Ermənistan Respublikası arasında sərhədlərin delimitasiyası və təhlükəsizliyi üzrə komissiyaların əsasnamələrini alqışlayır.
Reyting.az xəbər verir ki, bu barədə Uruqvay Xarici İşlər Nazirliyinin “Cənubi Qafqazda sülh prosesi və münasibətlərin nizamlanması” başlıqlı məlumatında deyilir.
“Uruqvay Ermənistan Respublikası ilə Azərbaycan Respublikası arasında sərhədin delimitasiyası və təhlükəsizliyi üzrə komissiyalar səviyyəsində 2024-cü il noyabrın 1-dən qüvvəyə minən qaydaları alqışlayır”, - deyə Uruqvay Xarici İşlər Nazirliyi vurğulayır.
Uruqvay ərazi bütövlüyü prinsipinə əsaslanan və beynəlxalq səviyyədə tanınmış sərhədlərə uyğun gələn delimitasiyanın davam etdirilməsi haqqında razılaşdırılmış sazişləri müdafiə edir.
Uruqvay Xarici İşlər Nazirliyi bildirir ki, bu hərəkətlər qarşılıqlı etimadın möhkəmlənməsinə və iki ölkə arasında münasibətlərin normallaşmasına nail olmaq üçün əsaslı addımlar və sabitlik, firavanlıq və davamlı inkişaf gətirəcək yekun sülhə nail olmaq üçün yeni əlamətdir.
ELÇİN
