Rusiya və Ukrayna arasında sülh danışıqları mövzusu 2025-ci ilin birinci yarısında, Qərb dövlətlərinin Ukraynaya maliyyə və hərbi yardımını tamamilə azaltdığı vaxt gündəmə gələcək.
Publika.az xəbər verir ki, bu proqnozu məşhur türkiyəli analitik Serhat Lətifoğlu "RİA Novosti"yə açıqlamasında səsləndirib.
Onun sözlərinə görə, münaqişənin bütün istiqamətlərində vəziyyət Ukraynanın xeyrinə deyil, baxmayaraq ki, Qərb ora “silahları və təlim keçmiş muzdlularını göndərir”.
“Ona görə də Qərbin hərbi yardımı gec-tez dayanacaq. Ukrayna dinc danışıqlara məcbur olacaq. Türkiyə bununla bağlı diplomatik vasitəçilik addımları atmağa çalışır”, - deyə Lətifoğlu bildirib.
