Qış gələndə müxtəlif növ turşular yeyilir. Çox vaxt ağ kələm, xiyar, kök, badımcan və ya qarışıq turşuya üstünlük verilir. Təbii probiotik olan turşu bağırsaq florasını tənzimləyir.
News24.az xəbər verir ki, ev şəraitində heç bir konservantsız sadəcə sirkə, duz və limonla hazırlanan turşular çox sağlamdır. Turşuları yeməklə birlikdə qəbul etmək həzm sistemini tənzimləyir. K və B vitaminlərinə töhfə verir. Yaddaşı gücləndirməyə kömək edir.
Turşu həm də orqanizmə təbii antioksidant təsir göstərir. İstifadə olunan tərəvəzlərin hər biri fərqli bir antioksidantla zəngin olduğundan zəngin antioksidan tutumları ilə sərbəst radikallarla mübarizə aparır. Xüsusilə sarımsaq və gül kələm turşularında olan flavonoidlərin antioksidant qabiliyyəti daha da yüksəkdir.
Turşular immunitet sistemini gücləndirməyə və orqanizmi xəstəliklərə qarşı davamlı etməyə kömək edir. Bununla belə, duzlu xiyarları yeyərkən ehtiyatlı olmaq lazımdır. Həddən artıq turşu və ya bazardan alınmış hazır turşu istehlak etmək sağlamlığınız üçün müəyyən risklər yarada bilər.
Xüsusilə yeməklə birlikdə istehlak edildikdə yüksək miqdarda lif ehtiva etdiyi üçün yeməyin mədədən çıxma müddəti yavaşlayır, insulin ifrazı tarazlanır və qan şəkərinin daha idarəli olması təmin edilir.
Əgər insulin müqaviməti kimi bir vəziyyətiniz varsa, onu bu şəkildə istehlak etmək faydalıdır, ancaq diabet və hipertansiyonunuz varsa, sizin üçün bir risk faktoru olacağı üçün qan təzyiqinizin yüksəlməsinə səbəb ola bilər.
Bu, böyrəkləriniz üçün təhlükə yarada bilər. Mümkünsə, şəkərli diabeti olan insanlar onu ümumiyyətlə qəbul etməməlidirlər.
Günel Məlikzadə
