ABŞ-nın keçmiş prezidenti Donald Tramp seçki kampaniyası zamanı Almaniya ilə çətin münasibətdə olduğunu deyib.
Reyting.az-ın “Spiegel”ə istinadla verdiyi məlumata görə, D. Tramp bildirib ki, kökləri Almaniyadan olsa da, almanlar onu sevməyiblər.
Nəşr xatırladıb ki, Trampın ata tərəfdən atalarının məmləkəti Reynland-Pfaltsdakı Kallstadt olub.
Keçmiş prezidentin sözlərinə görə, almanlar Barak Obamaya üstünlük verirlər.
Donald Tramp Almaniyanın keçmiş kansleri Angela Merkeldən də danışıb: “Məni bəyənmədilər, çünki dedim ki, pul ödəməlisiniz”.
“Spiegel” izah edib ki, Tramp çox güman, Almaniyanın NATO öhdəlikləri çərçivəsində müdafiə xərclərini nəzərdə tutur.
Eyni zamanda, Trampın sözlərinə görə, Merkel Almaniyanın 2035-ci ilə qədər pul ödəyəcəyini bildirib: “Onlar bizi axmaq adamlar hesab edirlər”.
“Politico” yazıb ki, ABŞ vətəndaşlarının əksəriyyəti prezident seçkilərində Donald Trampı deyil, vitse-prezidenti Kamala Harrisi dəstəkləyir. Xüsusən də Britaniyanın “Focaldata” şirkəti nəşr üçün sorğu keçirib və hesablayıb ki, Harrisin Miçiqan ştatında Trampı demək olar ki, 5, Nevadada 2 xal üstələyəcək, Pensilvaniya və Viskonsin ştatlarında isə cüzi üstünlüyü olacaq.
E. KAMAL
