Amerikalı media maqnatı Uorren Baffetə məxsus “Berkshire Hathaway”, səhm sataraq “Apple”dakı payını ardıcıl üçüncü rübdür ki, azaltmağa davam edir.
Yeniavaz.com xəbər verir ki, sentyabrın sonuna olan məlumata görə, “Berkshire” “Apple” səhmlərində təxminən 69,9 milyard dollara sahibdir. Ötən rübün sonunda şirkət 84,2 milyard dollarlıq “Apple” səhmlərinə sahib idi.
2024-cü il ərzində şirkət “Apple” və digər şirkətlərdəki payını ardıcıl olaraq azaldıb. Baffetə məxsus şirkət 2024-cü ilin birinci rübündə “Apple”dakı payının 13%-ni, 2024-cü ilin ikinci rübündə isə təxminən 50%-ni satıb. Yeni satışla şirkət indi təxminən 300 milyon “Apple” səhminə sahibdir. 2023-cü ilin sonunda “Berkshire Hathaway” “Apple”ın təxminən 905 milyon səhminə sahib idi, yəni bu gün onun payı bu məbləğin təxminən üçdə birinə bərabərdir.
Birinci rübün əvvəlində o, “Apple”dakı payını azaltmaq qərarının əsasən vergi məqsədləri üçün olduğunu söylədi. Xarici KİV hesab edir ki, satışların davam etməsinin daha ciddi səbəbləri ola bilər.
