"Ukraynada qadınların səfərbərliyi arxa cəbhədə vəzifələrin doldurulması və onların hərbi sənayedə işə cəlb edilməsi ilə başlamalıdır".
Qaziler.az “Gazeta.ru”ya istinadla bildirir ki, bu barədə Ukrayna Ali Radasının deputatı Maryana Bezuqlaya öz “Telegram” kanalında bildirib.
“Əgər siz qadınları səfərbər etsəniz, daha az kişi səfərbər olar. Arxa cəbhədəki vəzifələr üçün səfərbərlikdən başlayın: katiblər, kadr zabitləri, təhlükəsizlik bölmələri...”, - deyə o yazıb.
Bu yolla qadınlar cəbhəyə göndərilə bilən kişilərin vəzifələrini tuta bilərlər. Bezuqlaya görə, işçi qüvvəsinin səfərbər edilməsi müdafiə sənayesinin sürətini artıracaq.
Qeyd edilib ki, daha əvvəl könüllü və Aviasiya Kəşfiyyatına Dəstək Mərkəzinin təsisçisi Mariya Berlinskaya bildirib ki, Ukraynada qadınların kütləvi şəkildə məcburi səfərbər edilməsi barədə qərar qəbul edilməlidir.
QAZİLER.AZ
