“Bitcoin Magazine” portalı xəbər verir ki, Respublikaçılar Partiyasından ABŞ prezidenti postuna namizəd Donald Tramp 35 trilyon dolları keçən dövlət borcunu ödəməyin yolunu icad edib.
Siyasətçinin sözlərinə görə, dövlət başçısı seçiləcəyi təqdirdə ona kriptovalyuta ilə ödəniş etmək üçün sərəncam verə bilərdi.
"Ola bilsin ki, biz kriptovalyuta ilə 35 trilyon dollar ödəyəcəyik. Mən 35 trilyon kriptovalyutanın ayrılması haqqında kiçik bir kağız yazacağam və hər şey - bizim borcumuz yoxdur", - Tramp maliyyə toplama tədbirində deyib.
Eyni zamanda o, əlavə edib ki, kriptovalyuta “böyük gələcək”ə malikdir.
Bundan əvvəl respublikaçı seçkilərdəki rəqibi Kəmalə Harrisin Rusiya və Çinlə danışıqlar apara biləcəyinə şübhə edirdi. Onun fikrincə, “son dərəcə aşağı IQ-ya malik çox zəif və bacarıqsız insana” güc verməkdən “daha təhlükəli bir şey yoxdur”.
