Dövri cədvəlin 11-ci qrup elementlərindən biri olan qızıl keçid metalıdır. Yüksək çevikliyə malik olan bu element digər metallarla müqayisədə saf halda kifayət qədər yumşaqdır.
Buna görə də onu asanlıqla formaya salmaq olar. Bəs niyə qızıl digər metallardan fərqli olaraq yumşaqdır, amma digərləri sərtdir?
İndex.az xəbər verir ki, qızıl atomları arasındakı metal bağları bir qədər zəifdir.
Bu unikal atom quruluşu və qızılın elektron konfiqurasiyası metal atomlarının yerini və formasını asanlıqla dəyişməyə imkan verir. Beləliklə, asanlıqla formalaşdırıla və nazik təbəqələrə bölünə bilər.
Digər tərəfdən, mis və gümüş hissəcikləri daha asan oksidləşir, bu da onların parçalanmasını asanlaşdırır. Bu oksidlər qızılda əmələ gəlmədiyi üçün o, asanlıqla qırılmır və digər metallara nisbətən daha çevikdir.
