Qlobal bazarlarda bütün diqqət ABŞ seçkilərinə yönəlib.
ABŞ-də prezident seçkilərinə saatlar qaldığından, seçkinin taleyini müəyyən edəcək ştatlarda Harris və Tramp kampaniya fəaliyyətlərini bu gün də davam etdirəcəklər.
“Cebheinfo.az” xəbər verir ki, FED-in açıqlayacağı faiz qərarından əvvəl ABŞ prezident seçkilərində bərabər görüntü nümayiş etdirdi. Gün ərzində səhmlərdəki yüksəliş qalıcı ola bilmədi, istiqrazlar dəyər qazandı, dollar dəyər itirdi.
Həftənin ilk ticarət günündə S&P 500 indeksi bir müddət 0,22 faiz bahalaşsa da, günü mənfi 0,3 faizlə tamamlayıb. ABŞ-nin 10 illik istiqrazlarının gəlirliliyi təxminən 10 baza bəndi azalıb.
Seçki günü ABŞ fyuçers indeksləri müsbət tendensiyaya malikdir.
Asiya fond indeksləri günə ehtiyatlı başlasa da, müsbət zonadadır.
Çində xidmət fəaliyyətinin iyul ayından bəri ən sürətli artımı qeydə aldığını göstərən məlumatlar və Baş nazirin iqtisadiyyatla bağlı optimist açıqlamaları Asiya Birjalarını dəstəklədi. Çinin CSI 300, Yaponiyanın Nikkei 225 və Honq Konqun Hang Seng indeksləri 1 faizdən çox bahalaşıb. Neft qiymətləri bazar ertəsi Yaxın Şərqdə artan gərginlik və OPEC+-ın tədarük məhdudiyyətlərini uzatmaqla təxminən 3 faiz bahalaşıb, sonra investorlar diqqətlərini ABŞ prezident seçkilərinə çevirdikcə sakitləşib.
