"Real Madrid"in keçmiş futbolçusu Kərim Benzema Kilian Mbappenin komandadakı mövqeyi barədə fikirlərini bildirib.
Fanat.Az xəbər verir ki, fransalı ulduz həmyerlisi ilə bağlı "El Chiringuito TV"-yə danışıb:
“Mbappe bilir ki, "Real Madrid"də inanılmaz təzyiq var. İki və ya üç matçı qolsuz keçirsən, səni öldürməyə hazır olacaqlar. “Qızıl top”u qazanıb növbəti üç oyunda qol vurmursansa, yenə eyni şey baş verəcək. O, buna öyrəşməlidir. Matçlara daha yaxşı köklənməli, yaxşı təsir bağışlamalıdır. Hər oyun yeni bir hekayədir. Mbappe qol vurmalıdır, çünki "Real" onunla yalnız bunun üçün müqavilə imzaladı”.
25 yaşlı forvard yayda PSJ-dən azad agent kimi ayrılaraq “Kral klubu”nun sıralarına qoşulub. O, bu mövsüm La Liqada 10 oyunda 6 qol vurub.
Mirağa
