Bakı, TurkicWorld
ABŞ dövlət katibi Antoni Blinken İsrailin müdafiə naziri Yoav Gallant və Misirin xarici işlər naziri Bədr Abdulati ilə ayrı-ayrılıqda telefon danışığında Qəzzanı müzakirə edib.
TurkicWorld xəbər verir ki, Blinken Gallant ilə görüşündə İran və İranın dəstəklədiyi qrupların təhdidlərinə qarşı “ABŞ-ın İsrailin təhlükəsizliyinə sadiqliyini” təkrarlayıb.
İsraili Qəzzadakı bütün mülki şəxslərə humanitar yardımı əhəmiyyətli dərəcədə artırmaq üçün əlavə addımlar atmağa çağıran Blinken, "Qəzzadakı müharibə"nin sona çatması və bütün əsirlərin evlərinə qayıtması, həmçinin Qəzzada fələstinlilər üçün yenidənqurma yolu açılmalı olduğunu bildirib.
Tərəflər həmçinin Livanda həm livanlı, həm də israilli mülki şəxslərin öz evlərinə təhlükəsiz qayıtmasını təmin edəcək diplomatik həllə nail olmaq səylərini müzakirə ediblər.
Blinken Abdulati ilə görüşündə “Qəzzada müharibənin” dayandırılması və humanitar yardımların artırılmasının vacibliyini vurğulayıb.
Blinken Qəzzada münaqişədən sonrakı dövr üçün təhlükəsizliyi və yenidən qurulmasını təmin edəcək yol xəritəsinin yaradılmasının vacibliyinə diqqət çəkib.
Blinken bəyan edib ki, Livan liderləri ölkədə “prezident kreslosunun boş qalması” məsələsini təcili həll etməlidirlər.
