Səudiyyənin neft nəhəngi Aramco üçüncü rübdə “aşağı xam neft qiymətləri və neft emalı zavodlarının marjalarının zəifləməsi” səbəbindən xalis mənfəətinin illik 15,4 faiz azaldığını bildirsə də, 31,05 milyard divident ödəmək qərarını dəyişməz saxlayıb.
Marja.az xəbər verir ki, Şirkət iyul-sentyabr dövründə 27,56 milyard dollar xalis gəlir əldə edib ki, bu da 26,9 milyard dollarlıq proqnozu üstələyib.
Qlobal neft qiymətlərinin aşağı düşməsi, zəif tələb və Səudiyyə Ərəbistanının rəhbərlik etdiyi OPEC+ ölkələrinin uzunmüddətli hasilatı azaldılması xam neft qiymətlərinə təsir etməyə davam etdiyi üçün bu rəqəm 29,1 milyard dollar olan əvvəlki rüblə müqayisədə də 5,3 faiz azalıb.
Eyni dövrdə şirkətin EBITDA-sı illik müqayisədə 17% azalaraq 51,45 milyard dollara düşüb. Aramco, keçən ilin eyni dövründə bir barel üçün 89,3 dollar satışdan sonra, üçüncü rübdə orta xam neftin qiymətinin 79,3 dollar/barel olduğunu bildirib.
Hazırda gündə təxminən 9 milyon barel xam neft hasil edən dünyanın ən böyük xam neft ixracatçısı olan Səudiyyə Ərəbistanı OPEC+ neft istehsalçıları alyansının faktiki lideridir. Bu alyans ötən həftə sonu dekabr ayında planlaşdırılan hasilat artımını bir ay təxirə salıb.
