Araşdırmalara görə, texnologiya dünyasının e-tullantı problemləri ilə üzləşmək məcburiyyətində qalacağı bildirilir.
AzadMedia.az xəbər verir ki, səbəb generativ süni intellektin inkişafı ilə əlaqələndirilir.
Mütəxəssislər bu inkişaf nəticəsində 2030-cu ilədək dünya üzrə 10 milyard smartfonun tullantıya çevriləcəyini proqnozlaşdırır. Generativ süni intellekt yüksək hesablama gücü tələb etdiyi üçün mövcud cihazların ömrünü qısaldır. Oksford Universiteti tərəfindən aparılan bir araşdırma, bu prosesdə böyük dil modellərinin və digər GAI tətbiqlərinin elektron tullantı miqdarını artıra biləcəyini göstərir. Araşdırma, gələcək illərdə mövcud smartfonların yerini alacaq yeni nəsil cihazların sürətlə satışa çıxarılmasının bu vəziyyəti daha da sürətləndirə biləcəyini göstərir. Geosiyasi gərginliklər və yarımkeçirici idxalındakı məhdudiyyətlərin də bu prosesdə mühüm rol oynadığı vurğulanır. Daha dayanıqlı bir yanaşma üçün dairəvi iqtisadiyyat strategiyalarının tətbiq edilməsinin vacib olduğu bildirilir. Mütəxəssislər bu strategiyaların həyata keçirilməsi ilə elektron tullantı miqdarının 16-86% arasında azaldıla biləcəyini qeyd edirlər.
AzadMedia.az
