İsmayıllı rayonunda yetkinlik yaşına çatmayan övladı ilə cinsi əlaqədə olan 1980-ci il təvəllüdlü H. Turabov (şərti) həbs edilib.
Publika.az-ın əldə etdiyi məlumata görə, əvvəllər də məhkum edilmiş şəxsə Cinayət Məcəlləsinin 152.4.1-ci (14 yaşına çatmayan şəxslə cinsi əlaqədə olma - Onu tərbiyə etmək funksiyasını daşıyan şəxs tərəfindən törədilməklə) maddəsinə əsasən məsuliyyətə cəlb edilib.
Məlum olub ki, H. Turabov 2022-ci ilin iyul ayının sonlarından 2023-cü ilin dekabrınadək 13 yaşlı övladı ilə mütəmadı cinsi əlaqədə olub. Yeniyetmə qızda 2023-cü ilin sonunda 34 həftəlik hamiləlik müəyyən edilib.
Bundan sonra cinayət işi açılıb.
Həbs edilən şəxs ifadəsində bildirib ki, o, türmədə olarkən arvadı məhbus yoldaşına ərə gedib. O, övladına qarşı seksual xarakterli hərəkət etmədiyini, onun kimdən hamilə qaldığını bilmədiyini deyib.
