Amerika korporasiyası "Eleview International Inc." və onun iki rəhbəri ABŞ-dan Rusiya Federasiyasına qeyri-qanuni olaraq texnologiya ixrac etməkdə ittiham olunur.
Qaynarinfo xəbər verir ki, bu barədə ABŞ Ədliyyə Nazirliyinin mətbuat xidməti məlumat yayıb.
"Eleview International Inc." və onun iki rəhbər işçisi məhdudiyyətlərdən yayınaraq Rusiyaya milyonlarla dollar dəyərində texnologiya ixrac etməkdə ittiham olunur", deyə hesabatda bildirilir.
Şirkət rəhbərləri ixraca nəzarət qanunlarından yayınmaq üçün sui-qəsd təşkil etməkdə şübhəli bilinir. Virciniya ştatında yaşayan "Eleview International Inc." şirkətinin rəhbər şəxslərinin olduğu dəqiqləşdirilir. Oleq Nayandin və Vitali Borisenko noyabrın 4-də cinayətdə ittiham olunduqları ştatın Şərq dairəsinin federal məhkəməsinə çıxıblar.
ABŞ Baş Prokurorunun Milli Təhlükəsizlik üzrə köməkçisi Mett Olsen bildirib ki, milliyyəti açıqlanmayan şübhəlilər Rusiyaya qarşı qoyulan ixrac məhdudiyyətlərindən yan keçmək üçün üç yayınma sxemindən istifadə ediblər.
İttiham tərəfi hesab edir ki, 2022-ci ilin martından 2023-cü ilin iyununa qədər "Eleview" Türkiyə, Finlandiya və Qazaxıstan vasitəsilə ABŞ mal və texnologiyalarını Rusiya Federasiyasına göndərib. İddia olunur ki, rusiyalı müştərilər amerikalı pərakəndə satış şirkətlərindən onlayn olaraq məhsul sifariş edib və şirkətin Virciniyadakı anbarına göndəriblər. Nəticədə vurğulanır ki, şirkət son istifadəçilərin Rusiyada deyil, başqa ölkələrdə olduğunu bildirərək səlahiyyətliləri və ekspeditor təşkilatları qəsdən çaşdırıb.
Qeyd edilir ki, Türkiyə vasitəsilə "Eleview International Inc." Rusiya kəşfiyyat xidmətləri ilə əməkdaşlıq etdiyi iddia edilən bir telekommunikasiya şirkəti üçün nəzərdə tutulduğunu bilməklə təxminən 1,48 milyon dollar dəyərində telekommunikasiya avadanlığı ixrac edib. ABŞ Ədliyyə Nazirliyinin məlumatına görə, şirkət Finlandiya vasitəsilə Rusiyaya təxminən 3,45 milyon dollarlıq məhsul göndərib. "Eleview International Inc." Qazaxıstan vasitəsilə Rusiyaya 1,47 milyon dollar dəyərində ikili təyinatlı mallar ixrac edib
Paşa Məmmədli
