Moldovada müxalifətin “Qələbə” bloku prezident seçkilərinin nəticələrinə etiraz etmək niyyətində olduğunu açıqlayıb.
NOCOMMENT.az xəbər verir ki, müvafiq bəyanatı siyasi qurumun mətbuat xidməti Telegram kanalında yayıb.
Blok nümayəndələri iddia edirlər ki, prezident Maya Sandu yalnız Avropada yerləşən seçki məntəqələrində manipulyasiyalar, eləcə də seçki prosesinin ciddi şəkildə pozulması nəticəsində uğur qazana bilib.
Onlar vurğulayırlar ki, əslində Sandu üç dəfə məğlub olub: referendumda, seçkilərin birinci və ikinci turlarında.
Onların mesajında Rusiya və Qərb diasporları üçün qeyri-bərabər səsvermə şəraiti məsələsi də gündəmə gəlir. Bildirilir ki, ən böyük icmanın yaşadığı Rusiyada cəmi iki seçki məntəqəsi açıq olub, Avropa ölkələrində isə onların sayı ondan çox olub, çoxu isə boş qalıb.
